Planar om bygging av 50 meter høgt hotell på Hvaler skapar stor debatt

­Rune Kilebu er ein av dei som står bak prosjektet. Dei samarbeider med det internasjonale selskapet Intercontinental Hotels Group, skriv NRK.

– Når planane no ligg der og ein kan sjå på dei og sjå på kva for positive ting eit hotell på Hvaler vil føre til både for folk og næringsliv, så tenkjer eg at dette er noko folk vil ha, sier Kilebu.

Delte meninger

– Eg synest nesten rett og slett at det er eit angrep på naturen vår. Og så er det også eit angrep på dei kulturhistoriske verdiane som ligg i området på Sand, seier tidlegare ordførar i kommunen Paul Henriksen.

Debatten har rasa i den vesle hyttekommunen i Viken. Både blant politikarar, innbyggjarar og hytteeigarar. På Facebook er det starta ei gruppe med nesten 2.000 medlemmar for å stanse prosjektet.

Henriksen er heilt samd i at Hvaler treng eit hotell, men dette hotellet vil han ikkje ha.

– Eg har lenge oppmoda Hvaler Arbeidarpartiet til å vere heilt klare i motstanden mot det prosjektet.

Stort engasjement

– Det her er noko heilt anna enn det vi er vande til å sjå på Hvaler, så eg forstår godt at det engasjerer og at nokre tenkjer på korleis dette kjem til å bli sjåande ut, seier ordførarkandidat Anne May S. Olsen for Høgre.

Utbyggjarane har sendt inn forslag til reguleringsplan som blir behandla i Planutvalet i kommunen om få veker. Då blir det bestemt om planane skal ut på høyring